Liga e Kampionëve ka vazhduar me raundin e dytë me klube kampione si Baseli i Albian Ajetit dhe Taulant Xhakës, por edhe Dinamo Zagrebi i Arijan Ademit e Amir Rrahmanit që ishin në fushë.
Baseli luajti në një fushë shumë të vështirë si ajo e PAOK-ut, ku pësoi humbje me rezultat 2-1.
Golin e vetëm për zviceranët e shënoi sulmuesi shqiptar Albian Ajeti.
Gol që i jep shpresa për ndeshjen e kthimit Baselit. Në këtë ndeshje nuk u paraqit Taulant Xhaka që vuan nga një dëmtim.
Në anën tjetër Dinamo e Zagrebit fitoi me rezultatin 5-0 ndaj Hapoel Ber Shevas.
Ylli i ndeshjes ishte shqiptari nga Maqedonia, Arijan Ademi, që shënoi dy herë.
Për Dinamon nuk u paraqit fare mbrojtësi Amir Rrahmani.
