Dedë Gjoka dhe Mark Quku, të arrestuar tre ditë me parë për gjobëvënie, janë lënë në burg nga gjykata e krimeve të rënda pasi kërcënuan biznesmenin se do t’i vrisnin djalin nëse nuk u jepte 25 mije euro. Para togave të zeza dy autoret nuk kanë folur asgjë lidhur me ngjarjen.
Në bashkëpunim me njeri-tjetrin ata kërcënuan me anë të telefonit një pronar servisi me iniciaalet V.P. se do vrisnin djalin nëse nuk u paguante 25 mijë euro.
Biznesmeni ka njoftuar policinë, e cila në bashkëpunim me krimet e renda kanë inskenuar takimin.
Pesë ore pasi kishte ndodhur kërcënimi, Dede Gjoka e Mark Quku janë paraqitur ne vendin ku u kishte thënë biznesmeni, tek ura e fshatit Malecaj.
Kanë marrë qesen me paratë, por vetëm pak metra me tutje policia ka ndërhyre duke i arrestuar.
Në makinë policia gjeti edhe telefonin celular nga i cili ishin dërguar mesazhet kërcënuese. Po ashtu u gjeten edhe një pale dylbi që ata i kishin përdorur për të vrojtuar vendin e takimit me bizensmenin.
