Një gomone mbi 10 metra e gjatë që dyshohet se është përdorur ose do të përdorej për trafik droge, është gjetur nga policia në një fermë në fshatin Babicë të Vlorës.
Sipas A2CNN efektivët e operacionales, Antidroga dhe Forca Shqiponja kanë realizuar kontrollin e fermës, duke gjetur gomonen brenda një kamioni të ngarkuar me jonxhe.
Gomonia së bashku me kamionin është sekuestruar nga policia.
Sakaq, mbrëmjen e djeshme policia ka kontrolluar disa banesa në qytetin e Vlorës, ku jetojnë individë që kanë lidhje me fermën ku u gjet gomonia.
Edhe objekti ku mjeti lundrues u gjet është mbajtur gjatë gjithë natës në survejim nga patrulla e gatshme.
