Ndalimi i avokatit Genc Gjokutaj mbërmjen e sotme nga policia e Tiranës ka ardhur pasi ai nuk ka kundërshtuar efektivët për bërjen e testit të alkoolit, duke i ikur policisë në mënyrë demonstrative. Burime për Opinion.al bëjnë me dije, se avokati ka refuzuar kryerjen e testit edhe pas ndalimit nga ana e policisë.
Ndonëse po procedohet për moszbatim urdhri, duke i njohur mirë ligjet, avokati ka refuzuar t’i nënshtrohet testit duke e shfrytëzuar këtë hapësirë në legjislacion, që me sa duket ja lejon moskryerjen e këtij testi.
Por me sa duket kjo nuk është hera e parë që avokati shfaq probleme me respektimin e rrugallave të qarkullimit rrugor.
Disa muaj me pare, ne nje video te Policise se Shtetit, nga pilotimi i kamerave te trupit, Gjokutaj u pa teksa debatonte me policin, pasi ai i hoqi patentën për tejkalim shpejtësie.
Filmimi ishte një nga videot e kamerave të trupit të publikuara nga Ministria e Brendshme, në kuadër të projektit të saponisur. Videoja i përket datës 12 janar të këtij viti dhe shfaq me zë dhe figurë momentin kur efektivi i Qarkullimit ndalon një automjet tip “Range Rover”, e cila nga matja me radar rezultoi se po lëvizte me shpejtësi tej normave të lejuara. Automjeti drejtohej nga një avokat, emrin e të cilit Policia nuk e bëri publik, për shkak të ruajtjes së privatësisë, por burimet per “Panorama” thanë se bëhej fjalë për Genc Gjokutajn.
http://www.dailymotion.com/video/x55kc5o_68798_news#tab_embed
