Një gazetare nga Florida tërhoqi vëmendjen e shikuesve të mërkurën në një raportim të pazakontë, ku kishte mbuluar mikrofonin me një prezervativ.
Kyla Galer gazetare e NBC2 po raportonte për uraganin Ian nga një parking në Fort Myers, Florida, kur shikuesit u hutuan nga prezervativi në mikrofonin e saj.
Ky veprim i gazetares shkaktoi reagime në rrjetet sociale.
“NBC 2 praktikon raportimin e sigurt të mikrofonit gjatë uraganit Ian”, shkroi në Twitter një shikues. “@NBCNewsNow me të vërtetë e nxori këtë grua këtu duke mbajtur një mikrofon të mbështjellë me një prezervativ,” shkroi një tjetër.
Gazetarja amerikane reagoi në Instagram duke thënë: “Shumë njerëz po pyesin se çfarë është në mikrofonin tim. Është ajo që ju mendoni se është. Është një prezervativ. Ndihmon në mbrojtjen e pajisjes. Këta mikrofonë nuk mund të lagen. Ka shumë erë dhe shumë shi, kështu që ne duhet të bëjmë atë që duhet të bëjmë”.
Florida është goditur nga uragani i fuqishëm Ian me erëra që kanë kapur shpejtësinë mbi 200 kilometra në orë.
