Nuk ndodh shpesh që në produksione të tilla me rëndësi kaq të madhe në industrinë e filmit të ndodhin gafa, por kur ndodhin sigurohen që të bëhet fjalë për çmimin më të rëndësishëm atë të filmit më të mirë ose e thënë ndryshe, Best Pictures.
Në eventin e mbajtur mesnatën e sotme me orën tonë, filmi muzikal “La La Land” u shpall fituesi i çmimit si pasojë e një ngatërrese në zarfin ku shkruhej emri fitues. Ndërkohë fituesi i vërtetë i këtij çmimi ishte filmi “Moonlight”.
Regjisori i filmit, Berry Jenkins ka publikuar në Twitter foto të zarfit me emrin e filmit fituesi dhe nën të ka thënë se ka mbetur pa fjalë.
STILL SPEECHLESS pic.twitter.com/qe3NUDWAHM
— Barry Jenkins (@BandryBarry) February 27, 2017
“Moonlight” tregon historinë prekëse të një djali të ri që ka vështirësi në gjetjen e vetës, e treguar në tre kapituj historia tregon jetën e djalit ndërsa ai provon ekstazinë, dhimbjen dhe bukurinë e të rënit në dashuri ndërkohë që përballet me seksualitetin e tij./opinion.al
