Presidenti i Komisionit Europian Zhan Klod Junker, ose “Drunker” siç e quajnë mediat e huaja, bëri gafës e rradhës në ceremoninë përkujtimore të genocidit në Ruandë.
Junker ishte ftuar për të marrë pjesë në 25 vjetorin e luftës civile në vend, ku mbetën të vrarë rreth 800,000 njerëz. Ceremonia parashikonte që presidenti i Komisionit Europian të ndizte “Dritën e Kujtimit” me anë të një pishtari.
Gjithçka shkoi mirë deri kur Junker u përpoq ta ulte poshtë duke e zhvendosur në mënyrë të rrezikshme drejt fytyrës së Zhanet Kagame, zonjës së parë, bashkëshortes së Presidentit të Ruandës Paul Kagame. Një agjente e sigurisë ndërhyri menjëherë duke ia hequr pishtarin nga duart para se të ndodhte diçka më e rëndë.
Kujtojmë se ngjarje të tilla nuk janë të rralla për të, pak kohë më parë ai u prezantua në konferencë për shtyp me dy këpucë të ndryshme dhe nuk mohoi se kishte shoqëruar mëngjesin me konjak. Po ashtu edhe gjatë samitit të NATO-s në korrik të vitit 2018, uidhëheqësi i BE-së u pa të pengohej dhe të humbiste bilancën e tij disa herë përpara një darke gala.
Duket se ish kryeministri i Luksemburgut tashmë ka thyer dhe njëherë protokollin, duke rrezikuar t’i vërë zjarrin një zonje të parë./Opinion.al
