Kanë vijuar kontrollet e Policisë Rrugore gjatë orëve të vona të natës në autostradën Tiranë-Durrës. Gjatë këtij kontrolli janë ndëshkuar dhjetëra shoferë për mosrespektim të Kodit Rrugor.
Sipas policisë, në 5 orë vëzhgim, prej orës 19:00 deri në orën 24:00 në të dy kahet e lëvizjes janë konstatuar drejtues mjetesh me shpejtësi tej normave të lejuara, që varonin nga 143 km/h deri në 172 km/h, ku në rrugë trafiku ishte ende shumë i lartë.
Si pasojë e shkeljes së rregullave të qarkullimit rrugor janë pezulluar 10 leje drejtimi, për shpejtësi tej normës së lejuar.
Njoftimi i policisë:
Në rrugën interurbane Tiranë-Durrës-Tiranë, me
Policia Rrugore e Tiranës, po vijon kontrollet me në rrugën interurbane Tiranë-Durrës-Tiranë, për të parandaluar shpejtësinë tej normave të lejuara, e cila është rrezik potencial për përfshirje në ngjarje rrugore.
Prej orës 19:00 deri në orën 24:00 në të dy kahet e lëvizjes janë konstatuar shpejtësi tej normave të lejuara, që varonin nga 143 km/h deri në 172 km/h, ku në rrugë trafiku ishte ende shumë i lartë.
Si rezultat i monitorimit janë pezulluar 10 leje drejtimi, për shpejtësi tej normës së lejuar.
Janë vendosur 22 masa administrative për shpjetësi dhe manovra në rrugë, si dhe janë vendosur 2 masa administrative maksimale me vlerë 40.000 lekë të rinj, pasi drejtuesit e mjeteve ishin rezident në një shtet tjetër.
Drejtues mjetesh, qarkulloni brenda limiteve të lejuara që destinacioni juaj të jetë i sigurt, mos fluturoni se shpejtësia vret jetë.
Policia e Shtetit apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor. Në të gjitha akset nacionale nga Rruga e Kombit deri në Sarandë, e nga Korca në Berat, si dhe në qendrat kryesore urbane ka patrulla të Policisë Rrugore me radarë, alkooltestues, dronë, kamera e aparatë fotografik.
