Mbrojtësi brazilian i mbijetuar nga tragjedia ajrore në Kolumbi, ka shpërndarë një video nga spitali.
Alan Ruschel ka dhënë një mesazh për të gjithë fansat e ekipit Chapecoense, teksa shihet duke hedhur hapat e para që pas aksidentit.
“Unë do të doja t’ju them se jam duke ecur shumë mirë me shërimin. Së shpejti do të kthehem në Brazil, për ta përfunduar shërimin tim. Dua t’ju falënderoj të gjithëve për mbështetjen e dhënë. Ndihem optimist nga dashuria që kam marrë. Dua vetëm t’ju falënderoj të gjithëve. Faleminderit shumë!”- ky ishte mesazhi i Ruschel.
27 vjeçari është një prej të mbijetuarve e aksidentit ku humbën jetën 71 persona, përfshirë edhe 19 shokët e tij të skuadrës. Tani ai është duke u rikuperuar në Klinikën Somer në Kolumbi.
— Lívia Laranjeira (@livialaranjeira) December 7, 2016
