Disa pamje të frikshme që vijnë nga Turqia, nga një ndeshje e kategorisë së dytë të futbollit kanë bërë xhiron e botës. Pamjet të cilat u transmetuan fillimisht nga televizionet turke, ndodhën në sfidën mes Sakaryaspor dhe Amedspor, ku lojtari i kësaj të fundit, Mansur Calar, ka zbritur në fushë me një brisk në dorë dhe ka lënduar disa prej kundërshtarëve në pjesë të ndryshme të trupit me një brisk rroje.
Në një derbi që pritej të kishte trazira, Mansur Calar ka sulmuar me brisk kundërshtarët në pjesë të ndryshme të trupit, teksa ka shfaqur vazhdimisht shenja agresiviteti.
Një numër i madh lojtarësh të skuadrës së Sakaryasporit kanë ngritur akuza kundër rivalit të tyre, dhe policia ka nisur tashmë hetimet rreth ngjarjes. Mësohet gjithashtu se Federata Turke e Futbollit dhe autoritet e tjera të sportit do të thonë fjalën e tyre sapo të verifikojnë të gjitha pamjet dhe të marrin dëshmitë e të pranishmëve. /E.M
