Një ngjarje e rëndë ka tronditur Francën. Të enjten pasdite, policia e Ferrières-en-Brie bëri një zbulim makabër. Mediat e huaja raportojnë se është gjetur trupi i një fëmije dhjetë vjeçar në një valixhe. Valixhja ishte hedhur në një kazan plehrash jo shumë larg shtëpisë së të miturit.
Mediat vendase raportojnë se sipas hetimit, e dyshuara kryesore për vrasjen është nëna e tij. Fillimisht babai i 10-vjeçarit kishte denoncuar zhdukjen e të miturit dhe të bashkëshortes. Pas denoncimeve ka vijuar një operacion i gjerë i policisë dhe zjarrfikësve për gjetjen e të dyve. Ndërkohë që zbulimi ka qenë shokues. Fëmija u gjet i masakruar në valixhe, ndërsa nëna 33-vjeçare, e dyshuar se ka vrarë të birin, është arrestuar mëngjesin e kësaj të premteje në Choisy-le-Roi (Val-de-Marne) në shtëpinë e një anëtari të familjes së saj. Ajo është vendosur në paraburgim ka thënë prokuroria./Opinion.al
Un enfant retrouvé mort dans une valise en Seine-et-Marne pic.twitter.com/J8gZL2ywVo
— BFMTV (@BFMTV) January 28, 2022
