Gjykata e Apelit në Shkodër vendosi të lërë sot në arrest shtëpie Kryetarin e Bashkisë së Lezhës, Fran Frrokaj i akuzuar për shpërdorim detyre në atë që njihet dosja “Ranishtja 4”. Prokuroria e Lezhës kishte kërkuar rikthimin e tij në burg, ndërsa avokati Neshat Fana, kishte kërkuar “detyrim paraqitje”. Apeli vendosi të lërë në fuqi masën e caktuar nga Gjykata e Shkallës në Lezhë por me disa lehtësira për kryebashiakun. Kësisoj atij iu hoq mbikëqyrja policore dhe iu lejua komunikimi me të tretë. Duhet theksuar se prej 3 javësh Frrokaj qendronte në shtëpi me dy policë tek dera dhe nuk lejohej komunikimi mes askënd përpos familjarëve.
Avokati i tij Neshat Fana duke folur në përfundim të seancës në Shkodër nuk u shpreh fort i kënaqur, pasi pretendonte lirinë e Frrokajt.
Neshat Fana: Nuk u realizua vullneti im për ta lënë në detyrim paraqite, por nga ana tjeter gjykata nuk pranoi as ankimin e prokurorit për ta kthyer në burg. Gjykata rregulloi atë izolimin, që ishte i paligjshëm që kishte udhëruar Gjykata e Lezhës që praktikisht ska ndodhur më parë. Këtë gjë gjykata e Apelit e rregulloi. Uën do të doja që Frrokaj të lihej në detyrim paraqitje, pasi hetimet vazhdojnë dhe kryetari duhet të ushtrojë funksionet e veta në bashki. Do të shkojmë drejt Gjykatës së Lartë që do të kërkojmë lirimin nga arresti shtëpiak.
/Opinion.al
