Çfarë ka ndryshuar tek Floriana Garo këtë vit?!
Këto Krishtlindje moderatorja simpatike, Floriana Garo ka qënë e ftuar në emisionin “Tek Unë me Arjola Shehu” për të folur mbi projektet e saj, por sigurisht për të ndarë edhe detaje nga jeta e saj private. Ndër të tjera, Arjola e ka pyetur prezantuesen se çfarë ka ndryshuar përgjatë këtij viti.
Një përgjigje që Floriana me buzëqeshje e jep kështu:
“Njeriu ndryshon, jemi të ndërtuar të tillë që të ndryshojmë. Ndodh që, atë që kemi thënë më parë të mos e themi më tani, por kjo është mëse normale, sepse njeriu rritet, merr nga ekperiencat… Unë jam bërë më e sigurtë në vetvete, kam filluar të vlerësoj gjërat që janë pak më të thjeshta. Sepse njeriu pasi ngopet më gjërat që do dhe që duken shumë të komplikuara, pastaj shkon prapë tek gjërat e thjeshta. Jam e përmbushur, nga të gjitha aspektet, ndihem më e sigurtë dhe më e lumtur.”
Ndër të tjera Floriana ka treguar se televizioni do të ketë gjithmonë vend në jetën e saj dhe se nuk ka ndërmend të heq dorë edhe për shumë kohë edhe pse, siç vet preantuesja pranon me buzëqeshje sigurisht që do të ketë edhe shkëputje.
“Unë do ta vazhdojë televizionin, aq sa të kem mundësi ta vazhdoj. Natyrisht do të ketë edhe shkëputje, pasi unë gjithmonë e kam pranuar se dua të krijojë një familje dhe të marr edhe kohë për veten, për të bërë edhe gjëra të tjera, megjithatë televizioni do të qëndrojë aty, është dashuria ime!”
