Ministrja për Marrëdhëniet me Parlamentin, njëherësh edhe zëdhënësja e qeverisë, Elisa Spiropali është takuar ditën e sotme me familjarët e vajzës së mitur nga Kavaja e cila u abuzua seksualisht nga disa të rinj. Babai i 13-vjeçares i përlotur tha se vajza ka marrë trajtim nga psikologët dhe se do i qëndrojë pranë. I ati i të miturës i ka bërë apel mediave të mos e plagosin për së dyti, në mënyrë që të kenë mundësi të përballojnë ngjarjen me njerëzit e tij. Të njëjtin mesazh dha dhe gjyshi i vajzës, i cili u lut mediave dhe politikës të mos merren me një foshnjë.
“Mos e paçit këtë rrisk kurrë. Uroj që vajza ime të jetë e fundit që i ndodh kjo gjë”, ka thënë i ati.
Spiropali: Unë erdha sepse ti i pari erdhe në zyrën time, edhe unë të falënderoj nga zemra që pate guximin që u tregove aq fisnik dhe tregove situatën dhe si e përballove familjarisht.
Babai i vajzës: Kjo që më ndodhi mua uroj që mos t’i ndodhë asnjërit. Të jetë një mësim jashtë zakonisht i veçantë për të gjithë prindërit e republikës së Shqipërisë.
Falënderim shumë të veçantë, i jam shumë mirënjohës Agjencisë Shtetërore të Mbrojtjes së Fëmijëve, sepse më kanë mbështetur në takimet me psikologët. Po kështu një ndihme të madhe ka dhënë dhe ministrja e Shëndetësisë. Si vajza ime dhe si shumë të tjerë, i uroj mbarësi në jetë se kam një vajzë shumë inteligjente, me nota shumë të mira, kam një vajze që ka një kurajo që nuk mund ta përshkruaj unë si prind.
Spiropali: Kjo që the është shumë prekëse, një baba që i qëndron vajzës së tij deri në fund dhe është një mesazh për të gjithë prindërit. Është dhe për ato mesazhet që jepen shpesh nëpër ekrane që në vend që të jenë edukuese janë rrënuese. Edhe me shpirt që këtu në këtë shtëpi me këtë fisnikëri jeni një shembull për të gjithë. Sepse shoqëritë e qytetëruara dallohen nga mënyra se si përballen me sfidat, si përballen me raste të tilla, si e trajtojnë dinjitetin e njeriut, si i trajtojnë të miturit dhe ju po e trajtoni me fisnikërinë maksimale./E.M
Babai i vajzës: Nëse do më lejoni i’u bëj thirrje mediave në qoftë se jam plagosur një herë ju lutem mos më plagosni për së dyti. Unë kam mbyllur çdo ekran televizori, çdo ekran Facebook-u. Prandaj iu lutem me shpirt të gjithë mediave, keni fëmijë vetë mos iu raftë ky rast kurrë asnjërit por do t’ju lutem mbylleni njëherë e përgjithmonë këtë problem. Më lejoni ta përballoj me forcat e mia dhe me njerëzit e mi që më kanë mbështetur dhe do më mbështesin deri në fund. Ju falënderoj për mirëkuptimin. Mos e paçi këtë risk kurrë, asnjë o Zot. Kjo që më ndodhi mua të jetë e para dhe e fundit në Republikën e Shqipërisë.
Gjyshi i vajzës: Dhe unë gjithashtu duke dëgjuar nëpër media çdo lloj komunikimi që do të thotë se kanë rënë edhe politika dhe media në nivelin e një foshnje. Se kuptoj pse vazhdojnë me tragjedinë e mbesës sime. Prandaj i bëj thirrje të gjitha mediave, gjithë politikës që të mos merren me një foshnje por të shikojnë detyrat e tyre.
Spiropali: Ne duam ta ndihmojmë deri në fund dhe e kam porosi këtë nga kryeministri që nëse vajza do të dojë të ndjekë shkollë këtu apo në kolegj apo do të shkojë jashtë kudo që të jetë ne do ta ndjekim për t’i siguruar bursë dhe mbështetje që ajo të zhvillojë potencialin e saj e pandikuar nga kjo ngjarje dhe jam e sigurt se ajo do shkëlqejë./E.M
