Banorët e Unazës së Re nuk e kanë ndaluar protestën për asnjë ditë që prej nëntorit. Edhe ditët e festave të fundvitit ata kanë bllokuar rrugën në shenje proteste. Siç shihet në pamjet më poshtë protestuesit kanë djegur goma në rrugë dhe kanë mbajtur të bllokuar trafikun.
Në mbështetje të banorëve të Unazës së Re janë edhe përfaqësues të PD dhe deputetë, mes tyre Klevis Balliu.
“Kryeministri të kërkojë ndjesë qytetarë. Të shikoj për një projekt që nuk prishen shtëpitë e qytetarëve. Nëse Kryeministri do vijojë me kokëfortësi, kjo do të jetë përgjigja që do marrë. Largimi i Edi Ramës është kthyer në interes kombëtar, ndaj unë sot do u kërkoja të gjithëve që të shikojnë se ky është një projekt korruptiv, dhe se deputet të maxhorancës janë kërcënuar nga bandat në pushtet, prandaj duhet që të të largojmë Edi Ramën dhe të shkojë aty ku e ka vendin në burg”, ishte kjo një pjesë nga deklarata e deputeti Balliu.
