Adelina Ismaili ishte një nga personazhet më të përfolur në mediat rozë gjatë javës së kaluar. Shkak për këtë është bërë një deklaratë e saj ku shprehej se muzika në ditët e sotme është shndërruar në prostitucion dhe shpëlarje parash. Kaq ka mjaftuar që ndaj këtyre fjalëve të reagojnë ashpër disa personazhe të tjerë të muzikës, si Fjolla Morina dhe Xhesika Ndoj.
Megjithatë, ka edhe nga ata që e vlerësojnë Adelinën për revolucionin që solli në skenën e muzikës. Një prej tyre është edhe Flaka Krelani, e cili për këtë javë në spektaklin YFSF ka zgjedhur të “imitojë” pikërisht atë, duke bërë një tributë të këngëve dhe performancave të saj të pakrahasueshme, shkruan opinion.al.
Performancën energjike të Flakës mund të shihni të plotë në videon e mëposhtme.
Edhe juria e spektaklit ka shprehur opinionin e saj lidhur me komentet e ditëve të fundit për këngëtaren.
“Për Adelinën kam respekt, pasi ka qenë një ndër artistet e para që guxoi të dilte në skenë si artiste!”- ka thënë Albërie Hadërgjonaj. Komentet e tjera mund ti ndiqni më poshtë./opinion.al
