Mbrëmjen e kësaj të marte në emisionin ‘Opinion’ është duke u folur për arsimin dhe problemet e tij në Shqipëri.
Me një panel me ekspertë të fushës të ftuarit po diskutojnë mbi një pyetje të ngritur nga stafi i ‘Opinion’: A po dështon arsimi në Shqipëri?
Teksa emisioni po transmetohet live në ekranin e TVKlan, më poshtë ju sjellim disa video të regjistruara pak para fillimit të emisionit.
Në videot më poshtë shihet drejtuesi i emisionit Blendi Fevziu, teksa grimohet nga grimieri, e po ashtu rregullon kollaren dhe bën përgatitjet e fundit para se të futet në studio.
Nga ana tjetër edhe të ftuarit, si deputetja e LSI KejdI Mehmetaj, e cila po ashtu shihet të grimohet. Ajo që bie në sy është se zëvendës-ministrja e arsimit Besa Shahini ka ardhur gati, pasi dëgjohet grimieri i TVKlan i cili i thotë që s’ka nevojë për grim.
Momente të tjera janë edhe nga dhoma e montazhit ku shihet i gjithë stafi i gazetarëve që përgatisin kronikat për transmetim gjatë emisionit.
Ndiqni momentet pikante që ka rezervuar Opinion pas kamerave./G.Z-opinion.al
