Një video e mbrojtësit të PSG-së, Tomas Munir është duke bërë xhiron e internetit. Belgu postoi në rrjetin social “Instagram”, një festim të tijin që kurrsesi nuk duhet marrë shembull.
Munir është frymëzuar nga legjenda e Liverpulit Robi Fouler, teksa ulet pranë vijës së bardhë të fushës dhe feston sikur po thith kokainë.
Edhe pse ky festim, i Fouler u kritikua ashpër në atë kohë, dhe sulmuesi i pezullua me 4 ndeshje dhe 60 mijë paund, kjo nuk e ka shqetësuar aspak Munirin.
Edhe pse mbrojtësi belg, ishte duke bërë shaka me videon e publikuar, kjo gjë nuk u prit aspak mirë nga ndjekësit e tij në Instagram.
