Kroacia është ekipi që do të përballet me Anglinë për një biletë në finalen e madhe të Botërorit Rusi 2018 që do të luhet më datë 15 korrik në Moskë. Ndërsa koha e rregullt dhe ajo shtesë përfunduan në rezultatin 2-2, kroatët u treguan më të saktë nga pika e penalltive ndërsa Rusia gaboi në dy gjuajtje penalltish. Ivan Rakitic ishte ai që shënoi penalltinë e fundit duke çuar Kroacinë në gjysmëfinale, ku do luajë me Anglinë, ndërsa gjysmëfinalja tjetër do të jetë Francë-Belgjikë.
