Shumë drejtues mjetesh duket se janë ndërgjegjësuar për përdorimin e rripit të sigurimit në makinë. Kjo pas ashpërsimit të ligjit, ku prej një muaji aplikohen gjoba deri në 150 mijë lekë (të vjetra) nëse pasagjerët, qofshin dhe të mitur kapen pa rrip sigurimi. Në një video promocionale që ka nxjerr Policia e Tiranës ka demonstruar se si një furgon që transporton nxënës shkolle është konform rregullave dhe të gjithë janë të lidhur me rripin e sigurimit.
Por si është përdorur rripi? A është vendosur në mënyrën e duhur?
Duket se ky detaj nuk ka aspak rëndësi për policin rrugor, për të mjafton që fëmijët janë të lidhur. Por ekspertët thonë se vendosja e rripit në mënyrën e gabuar, përbën më shumë rrezik se sa mospasja e tij, shkruan Opinion.al.
Shihni në video më poshtë se si rripi i sigurimit u shkon deri në qafë fëmijëve, sidomos atyre që janë ulur në sediljen e fundit. Kjo për shkak se nuk është përdorur përshtatësi i lartësisë.
Ekspertët thonë se nëse fëmijët janë të shkurtër, duhet të vendoset mbi sedilje një karrige e vogël (rregullues gjatësie), pasi nëse rripi është më lart se kraharori ai dëmton fëmijët gjatë një frenimi të mundshëm. /Opinion.al
*Video e publikuar nga policia
*Foto si duhet vendosur rripi i sigurimit te fëmijët
