Mesditën e sotme policia dhe zjarrikësja u njoftuan për një zjarr në një banesë private në Vlorë. Aty u konstatua se kanë marrë flakë një gomone dhe një kamion. Nga të dhënat e para të policisë mësohet se mjetet janë në pronësi të shtetasit Arben Hajdari, i cili ndodhet në Itali. Paraprakisht dyshohet se një person ka derdhur bidonin me benzinë në oborrin e shtëpisë dhe më pas i ka vendosur flakët. Mjetet janë dëmtuar pjesësisht siç shihet edhe në pamjet e AbcNews. Policia thotë se po punon për të zbuluar autorin e ngjarjes dhe hasmëritë e mundshme që mund të ketë shtetasi i dëmtuar.
