Një 26-vjeçar është arrestuar nga Policia e Fierit pas finalizimit të operacionit policor të koduar “Tabacino”.
Sipas uniformave blu, i riu u arrestua pasi posedonte dhe shpërndante lëndë narkotike kokainë.
Ndërsa janë sekuestruar lëndë narkotike kokainë e ndarë në 88 doza gati për shitje.
Bazuar në informacionet e grumbulluara në rrugë policore për një shtetas që në dyqanin e tij tabakino, posedonte dhe shpërndante lëndë narkotike të forta në doza.
Gjatë kontrollit të ushtruar në lagjen “11 Janari”, Fier, në dyqanin tabakino në pronësi të shtetasit Aarsen Mete, si edhe më pas gjatë kontrollit të banesës së tij, u gjetën në total dhe u sekuestruan në cilësinë e provës materiale 88 doza me lëndë narkotike kokainë, 40 grirëse bimore si ato që përdoren për përgatitjen e lëndës narkotike kanabis sativa, qeska dhe sende të tjera që përdoreshin për përgatitjen dhe shitjen e lëndës narkotike të llojit Kokainë.
Në pranga ka rënë shtetasi Arsen Mete, 26 vjeç, banues në Fier, për veprën penale “Prodhimi dhe shitja e lëndëve narkotike”.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale./Opinion.al
