Edi Reja, trajneri i ri i Kombëtares është rrëzuar pas konferencës për shtyp, ku tregoi arsyet pse kishte grumbulluar ata futbollistë për dy ndeshjet eliminatore të Europianit 2020, më 8 qershor ndaj Islandës në transfertë dhe më 11 qershor ndaj Moldavisë.
Megjithatë, duket se e ka marrë me sportivitet, pasi i pyetur nga gazetarët nëse kjo do të ishte një “skemë” për të marrë penallti, është përgjigjur se kjo do të ishte ideale.
Reja u shpreh se nën vëzhgim ka 35 lojtarë, por aktualisht nuk është momenti për eksperimente dhe duhet t’u besojë lojtarëve të konfirmuar./ Opinion.al
