Publikohet video që tregon ndërhyrjen e rëndë që u bë në zonën arkeologjike të Butrintit, ku në sfond dëgjohet debati i gazetarit me punëtorin që hedh betonin, pasi nuk e lejon të filmojë.
Video është publikuar në Facebook, nga ish-kryeministri Sali Berisha, i cili, shkruan se Rama ka dhënë urdhër për t’i fshehur publikut dhe mediave krimin e shëmtuar.
“Rama, urdhër për të fshehur ndaj publikut dhe mediave, krimin e shëmtuar ndaj trashëgimisë kulturore në Butrint! Shikoni videon”.
Partia Demokratike reagoi pak ditë më parë për “mënyrën skandaloze të vendimeve të marra për një ndërtim nga ministrja e Kulturës pranë një muri prehistorik, që daton në shekullin VII dhe V para Krishtit, ku ndërtimet janë kategorikisht të ndaluara. Procedura e dhënies së lejeve nga ana e Keshillit Kombëtar të Arkeologjisë e më pas nga Këshilli Kombëtar i Restaurimeve (të dy të kryesuar nga Ministrja vetë), – deklaroi PD-ja, – janë në shkelje totale të ligjit”, tha deputetja e Partisë Demokratike, Albana Vokshi.”
Por, sipas lejes së firmosur nga Kumbaro, thuhej se bëhej fjalë për rehabilitimin dhe ndërtimin e pikave të shërbimit në Parkun antik, ç’ka u përgënjeshtrua nga PD-ja.
Sipas saj, përfaqësuesja e UNESCO-s u shpreh se ky institucion nuk ka dhënë asnjë leje për një ndërhyrje të tillë.
