Lëvizja në mëngjes për të shkuar në punë, shkollë apo destinacione të tjera është kthyer në stres në qytetin e Tiranës. Çdo mëngjes me dhjetëra njerëz presin nëpër stacione për të marrë urbanin që është i mbushur tej kapaciteteve. Kjo ka bërë që mëngjesin e sotëm të shpërthejë sherri mes shoferit dhe një qytetari. Ngjarja ka ndodhur në autobusin e linjës Stacioni i Trenit-Qendër-TEG.
Sipas atyre qe e kane derguar mesazhin dhe videon në JOQ sherri nisi pasi shoferi nuk i hapi deren një burri që nxitonte të çonte vajzën e mitur në shkollë.
“Pas kesaj plasi grushi. E gjithë skena e grushteve e shqelmave mes dy burrave është parë nga vogëlushja që ndjek klasën e parë”, tha dëshmitari në vendin e ngjarjes.
Ndërsa në video dëgjohen të tjerë pasagjerë që thërrasin: “Boll! E tmerruat kalamanin”.
