Nënkryetari i Delegacionit shqiptar në Komitetin Parlamentar të Stabilizim Asocijimit BE Shqipëri, Taulant Balla, në një status në “Facebook” thotë se Aldo Bumçi, Oerd Bylykbashi, Eduard Halimi dhe Genc Pollo kanë votuar kundër rekomandimit për hapjen e negociatave me BEnë.
‘News 24’ zbardh debatet e shkaktuara ne mbledhjen e Komitetit të Stabilizim Asoocimit në Bruksel mes demokrateve dhe socialisteve. Në këtë video, bashkryetari i këtij komiteti Taulant Balla dëgjohet të lexoje rekomandimin e pare për integrimin e Shqipërisë, për të cilën edhe opozita jep dakordësinë e saj.
Rekomandimi i dyte ku i behej thirrje komisionit qe ti beje thirrje Këshillit për të hapur negociatat, ndezi gjakrat në sallë. Opozita, e përgjysmuar ne mbledhje, nuk arriti dot te ndaloje miratimin e këtij amendamenti, pasi siç shihet nga rrethi i kuq, Majlinda Bregu e votoi atë pro.
Kaq ka mjaftuar që Bumçi te ngrejë tonet, dhe të flasë në emër të opozitës së bashkuar. Por Balla ndërhyn dhe i kujton Bumçit se kush nuk është në salle, nuk mund të numërohet si votë.
Balla: Kush është pro? Rekomandimi i parë u miratua…
Balla: Kush është pro? Kush është kundër. Prisni, do të numëroj, e më pas do të ta jap fjalën. Kush është kundër, një, dy.. Bumci: Opozita është kundër
Balla: Vota është personale
Bumci: Le të thërrasim koleget e tjerë.
Me tej u hodh në votim amendamenti i Aldo Bumçit, që kërkon kushtëzimin e negociatave me plotësimin e kushteve, si reforma në drejtës, dekriminalizimi, lufta kundër kanabis, etj. Por ai u rrezua nga votat e shumicës. Pak çaste me pas, deputetet e djathte u larguan nga salla, ndërsa Balla po i njihte pjesëmarrësit me situatën e përmbytjeve ne vendin tone përgjatë së martës.
