Tema e kësaj mbrëmje në Opinion është “Dhuna ndaj fëmijëve” e cila vjen fill pas ngjarjes së ndodhur në Shtëpinë e Fëmijës në Durrës, ku kujdestarja Dafina Fama dhunoi në mënyrë barbare, një fëmijë trevjeçar. Një rast jo i veçuar, pasi herë pas here media raporton për raste të tille dhune brenda institucioneve arsimore.
I pranishëm në emision Ministri Klosi, ka shpjeguar edhe arsyet përse krahas kujdestares, është marrë edhe vendimi për pezullimin nga puna të Drejtoreshës Heroina Duka, e cila sipas ministrit nuk ka përmbushur profesionalisht punën e saj në trajnimin e stafit dhe menaxhimin e situatës.
