Një 37-vjeçar është arrestuar nga Policia pasi është kapur në flagrancë duke vaditur bimët narkotike kanabis, të kultivuara në vreshtin me rrush.
Uniformat blu bëjnë me dije se në vijim të kontrolleve antikanabis, në të gjithë territorin e qarkut Fier, në fshatin Sheq-Marinas, efektivët e policisë, bazuar edhe në inteligjencën informative se një shtetas kultivonte kanabis, kanë gjetur shtetasin E. T., në tokën e tij të mbjellë me hardhi rrushi, duke vaditur bimët narkotike cannabis sativa.
30 bimët e dyshuara narkotike cannabis sativa u asgjësuan nëpërmjet djegies.
Në përfundim të veprimeve procedurale, u arrestua E. T., 37 vjeç, banues në Sheq-Marinas, Fier, për veprën penale “Kultivimi i bimëve narkotike”./Opinion.al
