Një automjet është përfshirë nga flakët e zjarrit duke u shkrumbuar tërësisht në Durrës. Ngjarja ka ndodhur në lagjen 17 të qytetit të qytetit bregdetar.
Banorët e zonës kanë bërë me dije se makina u përfshi nga flakët e zjarrit dhe u dëgjuan edhe shpërthime për shkak të karburantit rreth 04:20.
Fatmirësisht nuk ka të lënduar , por raportohen vetëm dëme materiale. Deri më tani dyshohet se shkak i zjarrit në automjet ka qenë një shkëndijë elektrike.
Në momentin e ngjarjes, makina tip Volkswagen Lupo ka qenë e parkuar para banesës së pronarit.
