Vazhdojnë problemet për Partizanin. Sikur të mos mjaftonte renditja e dobët në këtë kampionat, sot në ndeshjen Partizani-Luftëtari, protagonist është bërë një tifoz i kuq. Sikundër shikohet edhe në video, tifozi ka zbritur deri në fushë dhe pikërisht në momentin kur lojtari i Partizanit Lorenc Trashi shënon një gol nga jashtë zone, tifozi i kuq ka hedhur në fushë bluzën e Trashit. Duke parë këtë situatë arbitri i ndeshjes ka fishkëllyer për të sinjalizuar ndalimin e lojës, çka e ka bërë të pavlefshme golin e Trashit. Nuk dihet se si tifozi i kuq ka zbritur deri në fushën e lojës, por gjesti i tij mendohet se ka të bëjë si një mospajtim me gjestin e Trashit në muajin janar kur gjatë fazës përgatitore mesfushori i kuq hodhi fanellën në tokë për shkak sepse trajneri Starova e zëvendësoi gjatë një ndeshje miqësore.
