Sekretari i Burimeve Njerëzore dhe Sekretari Organizativ i Partisë Demokratike, Fatbardh Kadilli dhe Enno Bozdo, janë përfshirë në një incident me një qytetar këtë të enjte në zonën e njohur si Pedonalja, pranë Kuvendit.
Pamjet janë publikuar nga Report tv, ku sic duket, zyrtarëve të PD i është afruar një person i cili ka nisur të bërtasë.
Në një moment, Bozdo ka tentuar ta qetësojë por situata është acaruar dhe Kadilli i ka kërkuar të ndërpresë sharjet.
Sherri ka degraduar më pas ku sic duket, qytetari nuk kishte ndërmend të ndalej dhe Kadilli e godet me shqelm e më pas me grusht.
http://www.dailymotion.com/video/x6e2i7f#tab_embed
Report TV shkruan se e ka kontaktuar zotin Kadilli i cili dha këtë shpjegim: “Isha me Z. Bozdo duke ecur në rrugë kur papritur një qytetar nisi të ulërasë duke na ofenduar me fjalët: Ju deputetët që na pitë gjakun……..e fyerje të tjera shumë të rënda”.
I shpjeguam, thotë Kadilli, se nuk jam më deputet. Megjithatë, sqaron Kadilli, agresiviteti i tij sa vinte e shtohej kundrejt nesh. “Madje fjalori i tij ishte shumë banal”.
“Isha i detyruar të reagoja në atë formë, dhe cilido person që do të ishte në pozicionin tim përballë lumit të ofendimeve, do bënte të njëjtën gjë”, tha Fatbardh Kadilli.
