Gjashte persona mbeten te vdekur ne nje disko ne Itali, nderkohe qe 120 te tjere u plagosen, pas nje ngjarje te rende qe ndodhi gjate nates. Mediat italiane raportojne se viktima mbeten 5 minorene dhe nje nene qe shoqeronte vajzen e saj, teksa ne disko kishte koncert Sfera Ebbasta.
Ngjarja ka ndodhur në diskotekën “Lanterna azzurra” në Corinaldo në lokalitetin Madonna del Piano. Sipas hetimeve te para nje person ende i paidentifikuar ka hedhur ne ajer nje spraj me nje lende qe shkaktoi shume probleme. Turma nisi te dilte me rrembim dhe pati kaos, njerez qe shtypeshin, e te tjere qe ecnin mbi trupa.
Nga 120 te plagosurit 12 jane ne gjendje te rende, disa ne rrezik jete. Hetuesit po shohin disa pista hetimi.
“Ne po kërcenim duke pritur për të filluar shfaqja e Sfera Ebbastës, kur ndjemë një erë acaruese: vrapuam në një nga daljet emergjente por e gjetëm të bllokuar, badigardët na thanë që të ktheheshim pas”, ka treguar nje adoleshent qe mundi te dilte.
