Për këdo që e dëgjon mund të duket diçka jo e zakontë, por mjekët janë përballur edhe herë të tjera me raste të ngjashme. Mjeku ORL Alfred Aga, ka treguar se në veshin e një pacienti që kishte shqetësime, ka zbuluar ekzistencën e laravave. Ai e ka publikuar këtë video edhe në faqen e tij në Facebook, ku nuk kanë qenë të pakta reagimet e ndjekësve. I ftuar në Abc neës, shefi i ORL në Spitalit Amerikan 1, tha se shpesh pacientët i neglizhojnë simptomat dhe arrijnë në një gjendje të tillë. Sipas doktorit, tashmë pacienti është mirë dhe nuk ka asnjë problem.
“Idea është që shpesh herë pacientët kanë simptoma dhe i neglizhojnë. Në rastin konkret dhimbja ishte shumë e madhe. Kemi parë larva të cilat ishin në vesh. I hoqëm edhe u kurua me antibiotikë. Është një gjë që ndodh rëndom. Sapo e publikova kolegët e mi më kanë thënë që kemi asistuar edhe ne të tilla raste. Larvat ishin 3-4 milimetra.”, tha Aga./Opinion.al
