Kryetari i Bashkisë së Bulqizës edhe një herë ka theksuar se video e publikuar nga gazetari Artan Hoxha, i cili pretendon se kryebashkiaku është duke pirë kokainë, është e montuar. Por e keqja e kryetarit të Bashkisë së Bulqizës, nuk i del me ish deputetin demokrat Ervin Salianji.
“Dua të informoj opinion publik të Bulqizës dhe të gjithë Shqipërisë, me të drejtë të shokuar nga një video-montazh të publikuar në bashkëpunim nga Partia Demokratike dhe një televizion lokal, se sot jam nisur drejt Tiranës ku do të depozitoj një padi në ngarkim të shtetasit Ervin Salianji, një person me aktivitet përsëritës kriminal për situata të ngjashme, referuar organeve të drejtësisë shqiptare. Dua të sqaroj gjithashtu se ekzistenca e një video-montazhi më është bërë me dije prej rreth një viti, por gjithmonë kam besuar dhe besoj se duhet të jetë drejtësia ajo që ta hetojë dhe ta zbardhë. Prandaj deklaroj se unë do të pres zbardhjen e çdo vepre penale nga drejtësia. Kushdo që më akuzon mua të presë veprimet e Prokurorisë dhe vendimin përkatës të Gjykatës”, shkruan Lefter Alla në rrjetet sociale.
https://www.youtube.com/watch?v=z948vKHtirY&feature=emb_title
Ndërkohë SPAK ka nisur hetimet për kryebashkiakun. Hetimi kryesisht nis pas publikimit të videos. Hetimet e SPAK për kryetarin e Bashkisë Bulqizë do të zhvillohen për veprën penale “mbajtje substancash narkotike”.
Sipas nenit 283/b, krijimi nga ana e personave, që për shkak të detyrës administrojnë substanca narkotike ose psikotrope, i lehtësirave për marrjen dhe përdorimin e këtyre substancave, në kundërshtim me dispozitat ligjore përkatëse, dënohet nga 3 deri në 7 vite burg./ Opinion.al
