Reperi Dj Khaled njihet për “dashurinë” e tij ndaj rrjetit Snapchat, por që të arrinte të publikonte edhe këtë moment nuk na e merrte mendja. Ai ka ndarë me fansat e tij live momentin kur e fejuara, Nicole Tuck, ishte duke sjellë në jetë fëmijën e tyre të parë.
Prducenti 40 vjeçar filmoi çdo moment të lindjes së djalit të tij mëngjesin e të shtunës.
Gjatë një interviste për Jimmy Kimmel, ai kishte deklaruar se dëshironte të shpërndante në kohë reale lindjen e djalit dhe mesa duket e bëri realitet. Gjatë kohës që e fejuara e tij po “vuante” në sfond dëgjohej albumi i fundit i reperit.
