Policia Rrugore e Tiranës raporton se janë hequr lejet e drejtimit për një sërë shoferësh pasi janë kapur duke ngarë mjetin nën ndikimin e alkoolit. Ndërsa disa të tjerë nuk denjojnë të ndalojnë në semafor të kuq. Video më poshtë është bërë tek Unaza e Re, ku shihet qartë mosrespektimi i semaforit.
Njoftimi i policisë
Kontrolle të përqendruara nga Policia Rrugore e Kryeqytetit, ku u konstatuan:
• 32 drejtues mjetesh dhe motomjetesh për shkelje të sinjalizimit të ndritshëm (semafor).
• Tërhiqen 12 leje drejtimi për drejtim mjeti nën ndikimin e alkoolit.
• 23 automjete u ndaluan administrativisht për mosshlyerje detyrimesh.
• 3 drejtues mjetesh u arrestuan në flagrancë për drejtim mjeti në gjendje të dehur.
• Merren 189 masa administrative, për shkelje të tjera, pa sanksion plotësues.
