Një zjarr me përmasa të mëdha shkrumboi një pallat në Gramsh mbrëmjen e së hënës. Zjarri fillimisht ra në katin e 3 dhe më pas u përhap në katet e tjera, duke shkaktuar panik dhe rrezikuar jetën e njerëzve.
Policia tha se janë evakuuar 18 familjet që banonin atyre. Aktualisht numërohen 6 apartamente të djegura totalisht dhe disa të tjera me dëme. Janë dashur më tepër se 3 orë që zjarrfikësja e Gramshit dhe ajo e Elbasanit të vinin nën kontroll flakët dhe të shpëtonin të paktën ndërtesat e tjera.
