Një aeroplan i linjës Japan Airlines është djegur në pistën e aeroportit Haneda të Tokios sapo është ulur në pistë. Lajmi bëhet më dije nga Nippon TV që informon se avioni dyshohet të jetë përplasur me një aeroplan të Rojës Bregdetare. Zyrtarët e qeverisë kanë konfirmuar se rreth 400 personat në bord janë evakuuar.
Pamjet nga transmetuesi NHK treguan flakët që dilnin nga dritaret e avionit dhe poshtë tij. Sipas burimeve qeveritare, 379 persona (367 pasagjerë dhe 12 anëtarë të ekuipazhit) janë nxjerrë nga avioni i djegur. Në të njëjtën kohë, një person nga ekuipazhi i avionit të rojes bregdetare është shpëtuar, ndërsa pesë të tjerë rezultojnë të zhdukur. Ai gjithashtu tha se avioni, i cili po operonte Fluturimin 516, ishte nisur nga Hokkaido.
Një zëdhënës i aeroportit njoftoi se të gjitha pistat janë mbyllur përkohësisht./Opinion.al
