Aktualitet

VIDEO/ “Dhunë si nëpër filma”, gruaja: E përplaste vajzën e vogël në mur


Bëhu pjesë e Grupit Zyrtar të Opinion.al
>> KËTU <<
               Publikuar në : 15:15 - 01/02/21 |
Semiljana Azizi

“Dhunë si nëpër filma”, kështu e përshkruajti kjo 38-vjeçare abuzimin e hequr nga njeriu me të cilin bashkëjetoi 4 vjet. E ftuar këtë të hënë tek “Historia Ime”, nëna e një vajze 3 vjeçe gjysmë, rrëfeu sesi ish-partneri i cili ishte i alkoolizuar dhe përdorues droge, i dhunonte të dyja, nënë e bijë, sistematikisht. Ajo tregon se vajzën e vogël e përplaste në mur, duke i lënë pasoja si fizike ashtu edhe psikologjike.

“Më rrihte, më rrihte, më duken edhe sot shenjat. Kam patur shumë frikë të shkoj në polici, por mamaja më shtyu kohët e fundit. Kam qenë me sy të mbyllura, këmbë të ënjtura… kam edhe shenja nëpër duar. Shenjat që më çante gjithmonë…. E merrte fëmijën e vogël e përplaste në murë. Ra fëmija pa ndjenja në krevat, ka dhe një shenjë këtu që është çarë (poshtë mjekrës) e ka ende edhe sot. U detyrova, e hoqa krevatin e fëmijës edhe fle në një krevat me mua, sepse është e trembur”.

38-vjeçarja tregon se ndonëse ka urdhër mbrojtje nga gjykata, ajo vijon të ndihet e kërcënuar nga ish-partneri.

“E mora urdhër mbrojtjen, sipas së cilit, ai nuk duhet të afrohet më shumë se 100 metra, nuk duhet t’i afrohet vajzës, nuk duhet të afrohet afër familjes time. Ai nuk e ka zbatuar. Para 3 javësh e kam denoncuar prap, për punën e dhunës., prap më kërcënon, kam shumë frikë nga dhuna e tij. Si ta them unë, si nëpër filma… dhunë fizike, edhe unë, edhe fëmija”./tvklan.al

Pas