Edhe pse u organizua për të mbledhur të ardhura për zonat e prekura nga tërmetet e fuqishme, ndeshja miqësore Kocaelispor-Sakaryaspor degjeneroi në përleshje të dhunshme mes tifozëve në tribunat e stadiumit.
Një tifoz hyri në fushë nga tribuna ku qëndronin mbështetësit e Sakaryaspor dhe vrapoi më pas në drejtim të tifozëve kundërshtarë, duke nisur përleshjen.
Forcat e sigurisë ndërhynë edhe pse nuk ishin të shumtë në numër, pasi bëhej fjalë për një ndeshje miqësore. Në fund, me dhjetëra tifozë u vunë në pranga.
