Mësa duket nuk është vetëm futbolli në vend që degjeneron shpesh në akte dhune. Incidentet së fundmi janë tranferuar edhe në sallat e sportit të basketbollit.
Takimi i djeshëm mes Vllaznia-Tirana, që u zhvillua në qytetin e Shkodrës në palestën “Qazim Dervishi” ka dëgjenëruar në dhunë fizike.
Gjithçka ka ndodhur kur kishte edhe 9 sekonda lojë për t’u mbyllur perioda e parë e ndeshjes. Një aksion i normal loje i Tiranës, ka përfunduar në një sherr masiv mes lojtarëve. Ndoja duket se ka diçka për të sqaruar me amerikanin Johnson e më pas, atë e pasojnë edhe Shima me Dodë Lekndreajn dhe kjo mjafton që në rrëmujën e krijuar të përfshihen të dy ekipet.
Karaj duket se bën një gjest të pahijshëm dhe trajneri Gjeçaj është shumë i revoltuar me të. Po ashtu edhe tifozët e pranishëm në pallatin e sportit “Qazim Dervishi” marrin zjarr. Fyerjet në adresë të ekipit të Tiranës, por sidomos të Karajt, nuk reshtin.
Në ambjentet e pallatit të sportit shtohen shumë punonjësit e rendit që mundohen të qetësojnë gjithçka por për këtë ndikojnë edhe drejtori i Vllaznia, Mark Kroqi, inspektori i klubit Astit Zaganjori, trajneri i boksit Zef Gjoni etj.
Megjithëse dy periodat e para Vllaznia i ka mbyllur në avantazh, ndeshja ka përfunduar 84-66 për Tiranën.
