Policia ka bërë ekspertizën paraprake për aksidentin në aksin Korçë-Pogradec me 3 të plagosura, njëra prej tyre në gjendje të rëndë. Mësohet se aksidenti ndodhi pasditen e së dielës pranë fshatit Pretushë. Një automjet që hynte nga rruga dytësore i ka prerë rrugën Benzit (në rrugë kryesore) ku udhëtonin 4 vajza të reja.
Sipas të dhënave të para nga vendi i ngjarjes, mjeti tip “Benz” me targa AA626TB drejtohej nga 24 vjeçari me iniciale XH. M., banues në Pretushë, i ka prerë rrugën mjetit tip “Benz” me targa AA258AU, i cili drejtohej nga 22-vjeçarja me iniciale N.B.
Automjeti i drejtuar nga vajza e re dhe me shoqet pasagjere po udhëtonte nga Pogradeci në drejtim të Korçës, ndërsa si pasojë e goditjes është përplasur me murin rrethues të një karburanti dhe më tej ka përfunduar brenda një lavazhi.
Si pasojë e aksidentit janë plagosur A.B 26 vjeçe; S.A 27 vjeçe dhe M.T rreth 28 vjeçe, të cilat po udhëtonin si pasagjere në mjetin me targa AA258AU. Ndërsa lëndime më të lehta kanë marrë drejtuesit e të dy mjeteve. Burime nga spitali i Pogradecit pohojnë se në gjendje më të rëndë është 28-vjeçarja që ndodhej si pasagjere. Sakaq është shoqëruar në komisariat drejtuesi i Benzit me iniciale Xh.M.
*PAMJET E AKSIDENTIT– VENDI I NGJARJES:
