Gjykata e Tiranës ka vendosur masën e sigurisë arrest me burg për 23 – vjeçaren, Desara Mançellari, e cila me datën 1 prill dogji makinat e familjes së ish të dashurit, Filip Papajani. Ka qenë prokuroria ajo që bazuar në provat dhe faktet e mbledhura në vendngjarje kërkoi që 23 – vjeçarja nga Tirana të lihet në burg.
Një ditë më parë, Televizioni Klan publikoi pamjet e kamerave të sigurisë së një biznesi privat, ku duket Mançellari teksa i vë flakën mjetit tip Audi, në pronësi të nënës së 21 – vjeçarit Papajani.
Sipas avokatit mbrojtës, Filip Papajani dhe familja e tij e kanë dhunuar herë pas here pasi donin që ajo të bëhej nusja e familjes, por Desara ka refuzuar. Avokati kërkoi që ndaj klientes së tij, gjykata të vendoste detyrim paraqitje.
