Është mbyllur në paqe derbi kryeqytetas mes Tiranës dhe Partizanit. Pavarësisht momenteve të mira nga të dyja skuadrat, askush nuk arriti që të çojë topin në rrjetë. Edhe 7 minutat shtesë, plus 3 të tjera, që u dhanë nuk u shfrytëzuan në mënyrën më të mirë për të shënuar.
Derbi u ndërpre për 2-3 minuta pas dëmtimit të Idrizajt për shkak se në fushë u hodhën tymuese në disa pjesë të fushës. Loja iu rikthye normalitetit, pasi fusha u pastrua. Për këtë takim policia e kryeqytetit mori masa të forta.
Më e bukura e kësaj sfide ishte përballja mes dy tifozerive, me fansat bardheblu dhe ata të kuq që shpalosën banderolat e tyre. Tirana që nuk fiton një derbi në kampionatin shqiptar që nga 7 shkurti i 2014, do të duhet ende të presë./ Opinion.al
