Deputeti i Partisë Demokratike, Ervin Salianji, sot, nga foltorja e Kuvendit ka denoncuar me erma të gjithë ata persona që janë përfshirë në procesin e shit-blerjes së votës në zgjedhjet e mbajtura me 25 qershor në qarkun e Korçës.
Salianji tha në më shumë se 20 qendra votimi në Korçë nuk u zhvillua procesi normal. Sipas tij, në disa prej tyre votimi nisi shumë me vonesë. Ai tregoi se qytetarët e kërcënuar nuk dilnin në votime.
Më tej, deputeti i PD-së theksoi se në Sheqeras kryetari i PS-së, Shkëlqim Nakroleci një person me precedent penal kërcënonte votuesit ditën e zgjedhjeve.
Ndërkaq, tregoi ai, kryetari i komisionit të PS-së në Norman, Bashkim Kreka kërcënonte votuesit nëse nuk votonin hapur.
Salianji: Në Maliq Branvera Bekolli, fuste duar në kuti. Ajo kërkonte që të shikonte nëse është votuar për PS-në apo jo.
Sot është drejtoreshë kjo.
Në lagjet e Korçë dëshmuam se si shpërndanin para nëpër banesa:
Kliton Kita drejtor i taksave në Bashkinë e Korçës.
Në lagjen 5 Enver Shahinasi drejtor i INUK.
Në lagjen 15, Andi Sula, nga zyra vendore e regjistrimit të “Pasurive të Paluajtshme”.
Në lagjen 6 Solien Prifti drejtor në Bashki.
Në lagjen 6 dhe 7 Etrika Tollkuci drejtor i ISKSH.
Në lagjen 10, Fjoralba Vukatana, drejtore e Arkivës.
Po në lagjen 10, Erjon Qylemeni, drejtor i Shërbimit Pyjor”, tha Salianji.
