Janë arrestuar në flagrancë personat që janë përfshirë në skandalin e shit-blerjes së votës në zonën e Vorës. Ngjarja u denoncua nga emisioni Stop në tv Klan përmes një kamera të fshehtë. Policia tha se personi që blinte vota është Arben Marku (PS), personi që mori paratë dhe bëri kameran e fshehtë Luan Nela. Personi që nxiti qytetarin të filmonte veten ëhtë Luan Imeraj, eksponent i LSI.
“Këta shtetas janë arrestuar pasi në kameran e fshehtë pasqyrohen veprimet korruptive të shtetasit Arben Marku i cili në këmbim të blerjes së votës jep një shumë monetare shtetasit Luan Nela. Eshtë arritur të dokumentohet me prova ligjore se Luan Nela, përfiton shumën e parave në këmbim të votës.
Nga hetimet e kryera ka rezultuar gjithashtu se shtetasi Luan Nela ka pranuar të bëjë regjistrimet audio dhe video në këmbim të një vendi pune të premtuar nga shtetasi Luan Imeraj i cili është përkrahës i LSI.
Materialet proceduriale i’u kaluan Prokurorisë pranë Gjykatës së Shkallës së Parë Tiranë për veprat penale “Korrupsion aktiv në zgjedhje” , “Korrupsionit pasiv në zgjedhje” dhe “Ndërhyrje të padrejta në jetën private” të pashikuar nga Nenet 121, 328/a dhe 328/b të Kodit Penal”, thuhet në njoftimin e policisë së Tiranës.
Personat e arrestuar
– Luan Imeraj, 37 vjeç, banues në Tiranë LSI
– Luan Nela, 36 vjeç, banues Tiranë qytetar
– Arben Marku , 43 vjeç, banues Tiranë PS
