Dy ditë më parë në orët e vona të mbremjes persona të panjohur i vunë zjarrit makinës së nënkryetarit të Bashkisë Mallakastër, Hajredin Serjanaj që është njëkohësisht edhe nënkryetar i Partisë Demikratike në këtë qytet.
Partia Demokratike ka bërë publike sot një video ku shikohet se si dy persona të panjohur i vënë flakën makinës dhe largohen me shpejtësi, ndërkohë që deputeti i Partisë Demokratike thotë se policia kërkon mbyllë ngjarjen si aksidentale.
“Pavarësisht se policia ka parë me pamje se djegia e makinës është e qëllimshme, shefi i krimeve ne Komisariatin e Policisë Mallakastër i ka kërkuar zvkryetarit të Bashkisë Serjanaj ta mbyllin këtë çështje, duke e quajtur aksident, me shpjegimin se kështu do te ishte me mire për te dy palët”- thotë Alibeaj në postimin e tij.
