Përpara finales së Superkupës së Basketbollit që pritej të zhvillohej sot në Pallatin e Sportit, “Asllan Rusi” dy tifozeritë e ekipit të Tiranës dhe Vllazinës janë përfshirë në një sherr masiv, fillimisht jashtë ambienteve të sallës dhe më pas janë zhvendosur brenda.
Siç shihet edhe nga videot e mëposhtme, përleshja mes tyre ka qenë e dhunshme madje janë hedhur në sallë edhe tymuese.
Një takim që për shumë arsyeja pritej të ishte i zjarrtë duke marrë parasysh historikun e këtyre dy tifozërive.
Kujtojmë se në sezonin 2014-2015 pas një ndeshje të futbollit në stadiumin “Loro Boriçi” mes Vllaznisë dhe Tiranës të përfunduar 1-1, të dy palët e tifozërive u përfshinë në një sherr masiv. Në atë kohë FSHF mori një vendim me ‘dorë të hekurt’ duke dënuar me 25 ndeshje të dy tifozëritë me mos prezencë në stadium. 10 për shkodranët dhe 15 për kryeqytetasit.
Siç duket edhe nga ngjarja e sotme hesapet nuk janë mbyllur dhe në përplasjen mes këtyre grupeve është zhvilluar beteja e rradhës, por fatkeqësisht këtë herë e ka pësuar edhe basketbolli.
