Dardha është zbardhur nga dëbora këtë të mërkurë. Pas parkut kombëtar të Llogarasë edhe fshati turistik Dardhë është mbuluar nga bora.
Sipas informacioneve nga autoriteti lokal i rrugëve nacionale, trashësia e dëborës ka shkuar deri në 3 cm, ndërsa deri më tani problematike është kilometri i 9 deri në kilometrin e 12.
Sektori i qarkullimit rrugor i bën thirrje drejtuesve të mjeteve, të bëjnë kujdes në këtë segment për shkak te prezencës së borës dhe lagështirës në rrugë. Ndërkohë që vetë drejtuesit e mjeteve duhet të pajisen me gomat e dimrit.
Bëhet me dije se në terren kanë dalë firmat kontraktore të cilat po punojnë për kriposje dhe hapjen rrugëve por përsëri paraqet rrezik. Kujtojmë që prej dy ditësh reshjet e borës kanë përfshirë zonat malore të veriut dhe juglindjes së vendit./Opinion.al
