Zëdhënësi i ministrit të jashtëm Ditmir Bushati, Glevin Dervishi është martuar fundjavën e shkuar, e sigurisht deri këtu nuk ka asnjë problem.
Por ajo që të bie në sy nga festimet e tij në natën e martesës, është padiskutim hazdisja në kuptimin e plotë të fjalës, nën ritmet e muzikës tradicionale greke “Zeibekiko” dhe siç duket edhe nga pamjet e siguruara nga SYRI.net, “çami” Dervishi i njeh mirë dhe i kërcen me plot pasion muzikën dhe lëvizjen tradicionale greke.
Dhe si të mos mjaftonte, kësaj hazdisjeje greke në një dasmë shqiptare i është bashkuar natyrisht këshilltari “grek” i Ditmir Bushatit, Piro Vengu (nëse ju kujtohet, bëhet fjalë për këshilltarin shqiptarë të cilit i erdhi fletëthirrja për ushtarët nga Greqia).
E nëse “grekut” Vengu i vjen natyrshëm të hazdiset nën ritmet e muzikës së vendit të tij të origjinës, ajo që të le njëfarë shije jo të mirë është sesi ka mundësi që kultura greke i është kaq e dashur edhe “çamit”, zëdhënës të Bushatit, i cili sipas dëshmitarëve në kërcimet shqiptare nuk ia thoshte aspak.
I vetmi justifikim në këtë pikë që arrijmë të besojmë është se e gjithë koreografia nën ritmet greke e zëdhënësit “çam” dhe e këshilltarit “grek” të Bushatit, duhet të jetë padiskutim pjesë e politikës së prezantuar në nisje të mandatit të qeverisës nga kryediplomati shqiptar “Zero probleme me fqinjët”, por të vetmit që e zbatojnë këtë politikë mesa duket janë Glevini dhe Piro.
Çifti të trashëgohet!….
